Бірінші тоқсанда оқу уақыты 8 апта болады. Күзгі каникул 30 қазаннан 5 қарашаны қоса алғанда 7 күнге созылады, деп хабарлайды AtyrauPress.
Оқу-ағарту министрлігі орта білім беру ұйымдарында 2023–2024 оқу жылының басталу мерзімін, ұзақтығын және каникул кезеңдерін бекіткен еді.
Екінші тоқсанда 8 оқу аптасы бар. Қысқы каникул 2023 жылдың 29 желтоқсанында басталады, 2024 жылдың 7 қаңтарын қоса алғанда 10 күнге жалғасады.
Үшінші тоқсан 10 оқу аптасынан тұрады. 11 күндік көктемгі каникул 2024 жылдың 21 наурызында басталып, 31 наурызға дейін жалғасады.
Айта кетері, жыл сайын бірінші сынып оқушылары үшін үшінші тоқсанда қосымша 7 күн демалыс беріледі. Яғни, 5-11 ақпанға дейінгі уақытты қамтиды.
Төртінші тоқсанның ұзақтығы 8 оқу аптасын құрайды. Сондай-ақ 25 мамырда қорытынды шығарылып, оқу жылы аяқталады.
Атырау облысында бастауыш сыныпта 60 мыңнан астам бала оқиды. Ал биыл бірінші сыныпқа 16 мың 285 бүлдіршін барды. Жалпы, мұнайлы өлкеде 148 мың оқушы білім алып жатыр.
Эльмира МЫҚТЫБАЕВА
Фото: freepik.com