Атырау қаласында, атап айтқанда, Молдағұлова мен Пушкин көшелерінің қиылысында 4 гектар аумаққа жаңа саябақ салынып жатыр, деп хабарлайды AtyrauPress тілшісі.
Жаңа нысан Тутұғыр жанынан орын тебеді деп жоспарлануда. 2023 жылдың аяғында басталған құрылыс жұмыстары қазір 40 пайызға орындалған, биыл аяқталуы тиіс.
«Құрылыс облыстық құрылыс басқармасының тапсырысы және НКОК компаниясының әлеуметтік-инвестициялық жобалар бағдарламасы аясында қолға алынған. Мұнда сәулет туындылары мен бес субұрқақ орнатылып, тасжол төселетін болады. Айналасы төсемтаспен көмкеріліп, ағаштар егіледі. Сол сияқты, спорт және ойын алаңдары да қарастырылған. Мұның бәрі өңір халқы мен қонақтарының серуендеп жақсы уақыт өткізуі үшін жасалып отыр. Жоба құны 6 млрд теңгеден асады» дейді облыстық құрылыс басқармасының бөлім басшысы Күлән Құлбаева.
Амандық САҒЫНТАЙҰЛЫ
Фото: "Caspian News"