Еңбекші ауылдық округі Жұмекен ауылында спорт кешенінің құрылысы жүруде, деп хабарлайды AtyrauPress тілшісі.
Құрманғазы ауданы Жұмекен ауылында заманауи спорт кешенінің құрылысы жүріп жатыр. Аудан әкімдігінің баспасөз қызметінен білгеніміздей, 48 орындық нысан екі қабаттан құралып, ішінде спорт зал, санитарлық тораптармен жабдықталған жаттықтырушыларға, әйелдер мен ерлерге арналған киім ауыстыру бөлмелері бар.
Сонымен қатар, жобада бас инжинер, күзетші кабинеті, техникалық-санитарлық бөлме мен медициналық көмек көрсету пункті қарастырылған. Спорт кешенінің құрылысын мердігер мекеме «БатысСтройСервис-Атырау» ЖШС-і жүргізуде. Тапсырыс беруші - Құрманғазы аудандық құрылыс бөлімі.
Амандық САҒЫНТАЙҰЛЫ