«Наурыз» бағдарламасы бойынша өтінімдер «Baspana Market» жылжымайтын мүлік порталында наурыздың 31-не дейін қабылданады, деп хабарлайды AtyrauPress тілшісі.
Бағдарламаға кімдер қатыса алады?
Бағдарламаға соңғы 5 жыл ішінде меншігінде жылжымайтын мүлкі болмаған барлық қазақстандықтар қатыса алады.
Қатысу үшін не істеу керек?
Отбасы банкінде депозит ашу (егер жоқ болса). Депозит мерзімі маңызды емес.
Жинақ шотында кемінде 2 млн теңге болуы керек (өтінім берер алдында толықтыруға болады).
Соңғы 5 жыл ішінде өзіңізде және отбасы мүшелеріңізде тұрғын үйдің болмауын растау.
Отбасы мүшелері – жұбайы және кәмелетке толмаған балалары. Егер өтінім беруші үйленбеген/тұрмыс құрмаған болса, тек өзінің жылжымайтын мүлкі тексеріледі.
Соңғы 6 ай ішінде ресми табысыңыздың болуын қамтамасыз ету.
Амандық АБДОЛ