Жасырын жұмыс істеген құмар ойындар орны анықталды

ATPress.kz. 25 мамыр. Мақат және Доссор кенттерінде жасырын жұмыс істеген құмар ойындар орны анықталды. Бұл нысандарды Атырау облыстық ішкі істер департаменті ұйымдасқан қылмысқа қарсы күрес басқармасының қызметкерлері жедел-іздестіру жұмыстары нәтижесінд

Сырт пішіні азық-түлік дүкеніне ұқсайтын ғимараттарда жедел сатып алу әдісімен (ставка) түрлі ойындар ойнатылған. Тексеру барысында оқиғаға қатысы бар күдікті азаматтың меншігінен 16 дана ойын терминалдары, 5 дана «Crown» маркалы процессор, 5 дана термопринтер, сканер және ғаламторға қажет модемдер тәркіленген. Сондай-ақ, кассадан барлығы  697 840 теңге ақша айғақ зат ретінде алынды.

Мұндай дүкен ретінде жасырын ашылған нысандар Мақатта - 1, Доссор кентінде 2 болған. Бүгінде Қылмыстық кодекстің 307 бабы бойынша іс қозғалып, меншік иесі жауапқа тартылған. Күдіктіге қатысты сотқа дейінгі тергеп-тексеру амалдары жүргізілуде.

Айдос Қарабала

Фото жедел түсірілімнен алынған