АТЫРАУ ОБЛЫСЫ ӘКІМІ АЛАҢҒА КЕЛГЕН ТҰРҒЫНДАРМЕН КЕЗДЕСТІ
«Атырау облысының әкімі Махамбет Досмұхамбетов Жаңаөзен қаласындағы сұйытылған газ бағасын төмендетуді талап етушілерді қолдау үшін қаланың орталық алаңына келген тұрғындармен кездесті»,-деп хабарлайды облыс әкімінің баспасөз қызметі.
Облыс әкімі Махамбет Досмұхамбетов мемлекет басшысының тапсырмасына сай, ҚР Премьер-Министрі А. Маминнің Өкімімен Маңғыстау облысындағы әлеуметтік-экономикалық жағдайды қарастыру үшін Үкіметтік комиссия құрылып, отырыс өткізгенін айтты. Сондай-ақ сұйытылған газ бағасына қатысты Үкімет қабылдаған іс-шараларды түсіндірді. Бірнеше тұрғын ұсыныс-пікірлері мен сұрақтар қойды, аймақ басшысы оларға жауап берді.
