Нұрсұлтан Назарбаев Қасым-Жомарт Тоқаевты сайлаудағы жеңісімен құттықтады, деп хабарлайды AtyrauPress.kz тілшісі.
Қазақстанның Тұңғыш Президенті Нұрсұлтан Назарбаев Қасым-Жомарт Тоқаевты кезектен тыс Қазақстан Республикасының Президенті сайлауындағы жеңісімен құттықтады. Бұл туралы elbasy.kz сайты мәлім етті.
«Сізді Қазақстан Республикасының Президенті сайлауындағы айқын жеңісіңізбен риясыз көңілмен құттықтаймын Бұл – мемлекет басшысы ретіндегі беделіңіздің айшықты айғағы, сондай-ақ ауқымды реформаларыңыз бен тың бастамаларыңызға және тәуелсіздік тағдыры таразыға тартылған сын сағатта көрсете білген табанды да шешімтал мінезіңізге, ақыл-парасатыңызға деген халықтың қалтқысыз сенімінің даусыз дәлелі. Алдағы уақытта да баршаның алғыс-ризашылығы мен құрметіне бөлене беруіңізге тілектеспін» делінген Тұңғыш Президенттің құттықтауында.