Пауэрлифтингтен Әлем чемпионы Ерсейіт Бралинге ат мінгізілді, деп хабарлайды AtyrauPress тілшісі.
Бұл туралы аудандық әкімдіктің баспасөз қызметі мәлім етті. Айта кетейік, Ерсейіт пауэрлифтингтен Әлем чемпионы, Азияның қола жүлдегері, сондай-ақ, Батыс Қазақстан бойынша «Толағай алыптар» сайысының чемпионы атанған. Қазіргі уақытта Ерсейіт пауэрлифтинг пен грэпплингтен спорт шебері.
Аудан әкімі Абат Жангалиев жерлес чемпионымызға аудандық мәдениет үйі алдында қазақы дәстүрмен ат мінгізді. Сонымен қатар, аудан басшысы ауданның атын елге танытып жүрген жас спортшы чемпиондар Нұрайлым Бақытжанқызы мен Диас Ерболатовқа сертификаттар табыстады. Демеушілік жергілікті кәсіпкер Ғалымжан Мұқашев пен “Автомобиль М” ЖШС атынан жасалып отыр.
Амандық САҒЫНТАЙҰЛЫ