ATPress.kz. 25 қыркүйек. Атырауда әлеуметтік көмекті беруден негізсіз бас тартқан жергілікті атқарушы органның өкілдері тәртіптік жауапкершілікке тартылды. Бұл туралы Атырау қалалық прокуратурасының баспасөз қызметі хабарлады.
Анықталғандай, қала тұрғынының отбасында жеті жасқа толмаған төрт бала бар. Жұбайы екеуі жұмыссыздар тізіміне тіркеліпті. Отбасылық жағдайы да мәз емес. Соған орай, отағасы қалалық жұмыспен қамту, әлеуметтік бағдарламалар және азаматтық хал актілерін тіркеу бөліміне атаулы әлеуметтік көмек сұрап арызданған.
Алайда, жергілікті атқарушы орган бұл көмекті беруден негізсіз бас тартқан. Ал, прокурорлық қадағалау актісі негізінде осы заңсыздық анықталып, азаматтың көмек алуға толық құқығы бар екені нақтыланды.
Нәтижесінде, арызданушы азаматқа 116 226 теңге көлемінде атаулы әлеуметтік көмек беріліп, жергілікті атқарушы органның кінәлі қызметкерлері тәртіптік жауапкершілікке тартылды.
Айқара Ғұмар
Ұқсас жаңалықтар
"Жаңа Қазақстан" "Жасыл елден" басталады
24 Маусым, 2018
Лондонға жолдама алғыңыз келсе, «Business Lady Qazaqstan» жобасына қатысыңыз!
28 Маусым, 2018
Ибрагим Ақдрашев "Мақат ауданының құрметті азаматы" атанды
28 Маусым, 2018
Индер аудандық ауруханасы жаңа сервистік кабинеттермен толықты
26 Маусым, 2018