«ҚазМұнайГаз» қазақстандықтарға интернет алаяқтардан сақ болуды ескертіп отыр" деп хабарлайды ATPress.kz
«ҚазМұнайГаз» ұлттық компаниясы халықаралық алаяқтардың қылмыстық әрекеттері жиілегенін хабарлайды.
Интернеттегі Google, Yandex іздеу жүйелерінде, YouTube және өзге де әлеуметтік желілерде «ҚазМұнайГаз» компаниясына инвестиция салып, жоғары табысқа кенел» деген ұсыныспен жарнамалар жаппай таратыла бастады, ол сілтемелер алаяқтар құрған арнайы сайттарға бағыттайды.
«ҚазМұнайГаз» KZ ұлттық доменінде бір ғана ресми сайты (www.kmg.kz) барын мәлімдейді. «ҚазМұнайГаз» ұлттық компаниясының атын жамылып жарнамаланған басқа сайттар алаяқтарға тиесілі.
Компанияның қызметі туралы сенімді ақпарат тек ресми сайтта (https://www.kmg.kz) және әлеуметтік желілердегі ресми аккаунттарда жарияланады" делінген хабарламада.