Кеңөзек ауылдық округіне спорт алаңы салынады. Қазіргі таңда жоба жасақталды, деп хабарлайды AtyrauPress.
Қала әкімінің баспасөз қызметінің берген ақпараты бойынша, жобалаушы мекеме - «Шыңдау» жауапкершілігі шектеулі серіктестігі.
Құрылыс монтаждау жұмыстарына тапсырыс беруші – қалалық құрылыс бөлімі.
Мердігер мекемені анықтау мақсатында конкурс жарияланды. Конкурс нәтижесі бойынша мердігер мекеме анықталған соң спорт алаңын салуға кіріседі.
Қалалық құрылыс бөлімінің мамандарының айтуынша, жергілікті бюджет есебінен салынатын ашық алаңда балалар ойнайтын алаң, футбол, стритбол, жаттығу алаңдары, лед жарық шамдары және бейнебақылау камераларымен қамтылып, орындықтар орнатылады.