Мерейгерге құрмет

ATPress.kz, 19 қазан. Қазақтың қарымды қаламгері, жазушы, драматург Рахымжан Отарбаев «Жемісті бейбітшілік шығармашылығы» үшін алтын медальмен марапатталды, - деп хабарлайды «Әдебиет порталы» «Форум» журналына сілтеме жасап.

Бұл медаль Әлем қорының Халықаралық ассоциациясы мен әлемнің көпдүркін чемпионы Анатолий Карповтың шешімі бойынша қабылданған. Аталмыш сыйлық біртуар жазушының бүгінгі 60 жасқа толу мерейтойымен тұспа-тұс келіп отыр. Үлкен жетістік Қазақстанның бір ұлының ғана емес, парасат-пайымға бас иетін күллі халықтың қуанышы.
Айта кетерлік жайт, осыған дейін бұл медальді әлем бойынша Назым Хикмет, Пабло Неруда, Джавахарлал Неру иелік еткен. Енді осы тізімдердің қатарын Рахымжан Отарбаев толықтырып отыр. Награда иесіне зор денсаулық, отбасына амандық, шығармашылық табыс тілейміз.
Нұрбейбіт Нұғыманов