Биыл 11 сыныпты тәмамдаушылар үшін бітіру кеші мектеп қабырғасында өтеді.
Жылдағыдай, соңғы қоңырау 25 мамырда сыңғырласа, ал аттестат тапсыру салтанаты 16-17 маусымда ұйымдастырылады, - деп хабарлайды Атырау облыстық білім басқармасы қызметкерлері.
Мектеп бітіру кешін білім беру ұйымы өз күшімен ұйымдастырады. Мектеппен қоштасу кешіне аниматорларды, мерекелік агенттіктерді, ақылы әртістерді, мерекелік шараларға жеке студияларды шақыруға, мерекелік дастархандарды ұйымдастыруға, жалға алынған автокөліктермен экскурсиялар өткізуге болмайды.
Сонымен қатар мұғалімдерге сыйлық алу үшін ақша жинауға және ойын-сауық мекемелерінде бітіру іс-шараларын ұйымдастыруға қатаң тыйым салынады.
Эльмира Мықтыбаева