Атырауда киокушинкай-кан каратэден Қазақстан кубогі аяқталды

ATPress.kz. 14 қараша. Жарыс қорытындысы бойынша, әйелдер арасында атыраулық Кристина Сайнова мен ақмолалық Әлемгүл Сабырхан үздік деп танылды. Ал, ерлер арасында жеңіске қол жеткізгендердің тізімінде атыраулық Андрей Котов бар.

Балалар мен жасөспірімдер, әйелдер және ерлер арасында ұйымдастырылған дүбірлі жарысқа Қазақстанның 350 жуық каратэшілері қатысып бақ сынасты.  

Жиында сөз алған Атырау облысының әкімі Нұрлан Ноғаев: 

- Президенттің тапсырмасымен еліміздің барлық өңірінде спортпен айналысуға толық мүмкіндік жасалып келеді. Атырау  облысы да бұл үрдістен шет қалған жоқ. Аймақта барлық керек-жарақпен қамтамасыз етілген спорт сарайлары бой көтеріп, халықтың игілігіне берілуде. Бүгінгі сайыс Елбасымыздың осы қамқорлығының көрінісі, -  деді. 

Жарысты облыс әкімімен бірге ҰРККФ президенті, Парламент Мәжілісінің депутаты Омархан Өксікбаев, мәдениет және спорт министрлігінің спорт және дене шынықтыру комитетінің төрағасы Елсияр Қанағатов арнайы келіп тамашалады. 

Нұрбейбіт Нұғыманов