Қазақстанда антитеррорлық «110» қауырт желісі ашылды

ATPress.kz. 31 тамыз. Террористік қауіптерге байланысты хабарламаларды қабылдау үшін «110» бірыңғай нөмірі бөлінді.

ҚР Қауіпсіздік Кеңесінің отырысының 2016 жылғы 10 маусымдағы хаттамасының 8.2 тармағына сәйкес ақпарат және коммуникациялар Министрлігімен террористік қауіптерге байланысты хабарламаларды қабылдау үшін «110» бірыңғай нөмірі бөлінді.

Азаматтардың Қазақстанның әр нүктесінен «110» нөміріне қоңырауларды жүзеге асырғанда қоңырау аумақтылық сипатқа байланысты ҰҚК департаменттерінің кезекші қызметтеріне түседі.

Құрметті азаматтар! Егер де сізге жоспарланып жатырған террорлық акт қаупі белгілі болған жағдайда, радикалды көзқарастағы тұлғалар тарапынан иландыру, қатарларына тарту қадамдары орын алса немесе өзге адамдарға аталған әрекеттер жасалып жатқанына куәгер болсаңыз, сонымен қатар кімде-кім терроризм мен діни экстремизмді насихаттайтын әдебиет пен ақпарат таратқаны туралы хабардар болсаңыз, шұғыл түрде «110» нөміріне қоңырау шалуыңызды сұраймыз.

Сіздің қоңырау шалғаныңыз – қатердің алдын алу үшін маңызды!

ATPress.kz

Фото: vestipmr.info