«Тілдердің үштұғырлылығы – болашақтың бастауы»

ATPress. 3 мамыр. Осындай атаумен Атырау облысы әкімі аппаратының мемлекеттік қызметшілерді қайта даярлау, біліктілігін арттыру және тілдерді в оқыту өңірлік орталығында мемлекеттік қызметшілер арасында байқау өтті.

Сайысқа Құрманғазы, Махамбет аудандары, энергетика және тұрғын үй – коммуналдық шаруашылық басқармасы және жерді пайдаланылуы мен қорғалуын бақылау басқармасының мемлекеттік қызметшілері қатысты.

Қатысушылардың деңгейін анықтап, баға берген - ҚР Мемлекеттік қызмет істері министрлігінің Атырау облысы бойынша департаментінің Мемлекеттік қызмет басқармасының бас маманы Құрымбаева Динара, «Прикаспийская коммуна» газетінің тілшісі Қуанышева Марина, Атырау облысы әкімі аппаратының мемлекеттік қызметшілерді қайта даярлау, біліктілігін арттыру және тілдерді оқыту өңірлік орталығының директоры, әділ қазылар мүшелерінің төрайымы Құбашева Сәуле, Атырау бизнес және құқық колледжінің оқытушысы Имашева Айымгүл.

Байқаудың алғашқы туры -"Ұлттаным" деп аталды. Бұнда қазақ елінің тарихы мен ұлы тұлғалары жөніндегі сұрақтарға орыс тілінде жауап берілді. 

Екінші «Мәдениеттаным» бөлімі бойынша қазақ халқының салт-дәстүрлері, діні мен тілі жөніндегі сұрақтарға қазақ тілінде жауап берілді. Үшінші «Өнертаным» бөлімінде әрбір қатысушы ағылшын тілінде тақырыптық мәтінді мәнерлеп айтудан сайысқа түскен болатын. 

Байқау қорытындысы бойынша энергетика және тұрғын үй – коммуналдық шаруашылық басқармасынан Дюсебаева Лаззат бірінші орынға ие болды. Екінші орын энергетика және тұрғын үй-коммуналдық шаруашылық басқармасынан Ахметова Анар және Махамбет ауданынан Есаулова Светлананың еншісінде. Ал, Махамбет ауданынан келген Лукпанов Капиз және Құрманғазылық Кайбошев Айдын үшінші орынды місе тұтты. Қалған қатысушылар алғыс xаттармен марапатталды, деп хабарлайды мемлекеттік қызметшілерді қайта даярлау, біліктілігін арттыру және тілдерді оқыту өңірлік орталығы.

ATPress

Суретті түсірген: Рахим Қойлыбаев