Иерусалимдегі пасхалық жұмыртқа Атырауға жеткізілді

ATPress. 13 мамыр. Бүгін Атырауға Орал және Ақтөбе архиепископы Антони, сенбі күні болатын армяндық киелі-ескерткіш Хачкардың дәріптелу және ашылу салтанатына қатысу үшін арнайы келді.

Тас стела мен қашалып салынған крест бейнесінен тұратын армян архитектурасы ескерткіштерінің бұл түрі Атырау қаласындағы  Құдай Ана Успен Соборы аумағында орналасатын болады. Ашылу рәсімі сенбі, 14 мамыр, таңертеңгі сағат 10.30 жоспарлануда. Хачкар христяндық Арменияның ғасырлар бойғы символы. Қазақстан аумағында бұл діни символдың ашылуы қазақстандық армяндарға киелі әзіреттеріне ғибадат қылуға мүмкіндік туғызады. 

13 мамыр күні түске дейін Орал және Ақтөбе архиепископы Антонийді Атырау облысының әкімі Нұрлан Ноғаев қабылдады. Әкім архиепископты қарсы алғаннан кейін, онымен Орал қаласында атқарған жұмысы арқылы жеке таныс екенін айтып өтті. Өңір басшысы Оралда бастау алған жемісті қызмет Атырауда да өз жалғасын табатынына сенім білдірді. Өйткені Қазақстан халқы бейбітшілік пен келісімде өмір сүруді қалайды және соған лайықты, Н. Ноғаев солай болуы керек екенін атап өтті.

- Біз, Қазақстан, зайырлы мемлекетпіз. Бірақ, дінбасылар да, діні, конфессиясы, ділі басқа барлық ұлттың бейбітшілікте өмір сүруіне бағытталған саястты қолдап отыр, - деп атап өтті облыс әкімі. Сондай-ақ Нұрлан Ноғаев Орал және Ақтөбе архиепископы Антонийге Батыс Қазақстан облысындағы бірігіп атқарған жұмыстары үшін өз алғысын білдірді.

Кездесу барысында архиепископ Нұрлан Ноғаевқа үш діннің тоғысқан жері саналатын Иерусалимнен әкелінген Пасхалық жұмыртқа және басқа да сыйлықтар табыстады.

ATPress

Суретті түсірген Рахим Қойлыбаев