Ертең «Менің Елім – Моя Страна» мотожарысы басталады

ATPress. 26 мамыр. Өңірлік коммуникациялар қызметінде өткен брифингте «Wheels Brothers Atyrau» мотоклубының президенті Олег Шмаль журналистерге сұхбат берді.

«Менің Елім – Моя Страна» мотожарысы «Қазақстан-2050» жалпыұлттық қозғалысының белсенділері және «Wheels Brothers Atyrau» мотоклубының ұйымдастыруымен биыл үшінші мәрте өткізілмек. Жылдағы дәстүр бойынша ол өз бастауын Атыраудан алатын болады. 

«Өткен жылғы жобамызды «Қазақстан халықтар Ассамблеясы» жылына арнлған болса, биылғы мотожарыс Тәуелсіздіктің 25 жылдық мерейтойына арналады. Бұл еліміздің азаматтары үшін айтулы оқиға. Мотожарыс барысында біз 8 500 шақырымдық маршрут бойынша: Орал – Қостанай – Зеренді – Астана – Павлодар – Өскемен – Риддер – Үшарал – Талдықорған – Алматы – Шымкент – Қызылорда – Байқоңыр – Арал – Ақтөбе арқылы Оралға келіп, Атырауға оралатын боламыз. Бұл, Қазақстан Республикасының Тәуелсіздігін, оның жетістіктерін, әлемдік қауымдастық алдындағы мойындалған позициясын, және де ең бастысы ел аумағында өмір сүріп жатқан халықтардың бейбіт және достық қарым-қатынасын сақтау мақсатында ұйымдастырылған жоба. Сондай-ақ ішкі және сыртқы туризмді дамытуға үлес қосу»,- деді Олег Шмаль.

Мотожарыс ертең, 27 мамыр күні, бастау алмақ.

ATPress

Сурет Лев Гузиковтыкі