Бұл туралы еліміздің Қазақ ұлттық деректер орталығы мәлімдеді, деп хабарлайды AtyrauPress тілшісі.
Аталған орталықтың жедел мәліметіне сәйкес, бүгін, яғни, 10 сәуір күні Астана уақыты бойынша сағат 01:40-та (Гринвич бойынша 9 сәуір 20 сағат 40 мин.) Құлсары қаласынан оңтүстік-шығысқа қарай 120 шақырым жерде сілкінісі болды.
"Эпицентрдің координаттары: 45.95 градус солтүстік ендік, 54.28 градус шығыс бойлық. Магнитудасы mb=4.3. Энергетикалық класс К=9.1" делінген хабарламада.
Алайда, облыстық төтенше жағдайлар департаментінің мамандары жер сілкінісі туралы ақпарат түспегенін айтып отыр.
Амандық САҒЫНТАЙҰЛЫ
Фото-иллюстратив: автор