Құрманғазы ауданы Сафон ауылында заманауи спорт кешені салынып жатыр, деп хабарлайды AtyrauPress тілшісі.
Құрманғазы ауданындағы Сафон ауылында 48 орындық спорт кешенінің құрылысы жүруде. Аудан әкімдігінің баспасөз қызметінен білгеніміздей, екі қабатты нысанның ішінде спорт зал, санитарлық тораптармен жабдықталған жаттықтырушыларға, әйелдер мен ерлерге арналған киім ауыстыру бөлмесі бар. Сонымен қатар, жобада бас инжинер, күзетші кабинеті, техникалық-санитарлық бөлме мен медициналық көмек көрсету пункті қарастырылған.
Спорт кешеннің құрылысын мердігер мекеме «БатысСтройСервис-Атырау» ЖШС-і жүргізуде. Тапсырыс беруші аудандық құрылыс бөлімі. Құрылыс жұмыстары 2025 жылы аяқталады деп жоспарлануда.
Айта кетейік, қазір аудандағы Сүйіндік және Еңбекші ауылында да спорттық нысанның құрылысы жүріп жатыр.
Амандық САҒЫНТАЙҰЛЫ