Индер ауданында «ИндерГипс» және «ИСИГипсИндер» жауапкершілігі шектеулі серіктестігі секілді ірі өндіріс нысандары жұмыс жасайды, деп хабарлайды AtyrauPress тілшісі.
Екі зауыттың да шикізат алатын карьерлері бар. Сол шикізат кейін өңделіп, дайын өнімдер жасалады. Аталған өндіріс орындарының ел игілігіне жұмыс жасап келе жатқанына да жиырма жылдан асқан.
– «ИндерГипс» және «ИСИГипсИндер» өндірістік мекемелерінде гипскартонның төрт және құрылыс материалдарының алты түрі дайындалады. Жылына біреуі 120, екіншісі 120 мың тоннаға дейін дайын өнім шығарады. Бұл кәсіпорындардың әрқайсысы жүзге жуық азаматты тұрақты жұмыспен қамтып отыр. Бүгінде екі зауыттың алдағы жұмыс жоспары талқыланып, жаңа міндеттер жүктелді. Олардың одан әрі дамуына толықтай қолдау көрсетілетін болады" деп сендіреді аудан әкімі Серік Нысанбаев.
Амандық САҒЫНТАЙҰЛЫ
