«Мәңгілік ел» пойызы Мақат ауданында

ATPress. 9 наурыз. Ел тәуелсіздігінің 25 жылдығына орай, «Мәңгілік ел» пойызы Мақат кентіне келіп тоқтады.

Қазақстан халқы ассамблеясының мүшесі, пойыздың штаб басшысы Әміржан Әлпейісов бастаған топты аудан әкімі Берікқали Сәрсенғалиев, мәслихат хатшысы Табылды Жолмағамбетов, ардагерлер кеңесінің төрағасы Сәбит Халенов, т.б. аудан азаматтары салтанатты жағдайда қарсы алып, жылы лебіздерін білдірді, деп хабарлайды «Мақат Тынысы» газетінің тілшілері.

Айта кетсек, 8 наурызда, ATPress жариялағандай, пойыз Атырауға келіп, бір топ шара өткізген. Ал енді елдің рухын көтеріп, ұлы мақсаттарға жетелейтін «Мәңгілік ел» идеясын тұрғындарға жеткізіп, халық арасында әлеуметтік мәселелерді шешуге атсалысу, елдің өткенін зерделеп, бүгінін бағамдау мақсатында міндет арқалаған топ мүшелері Мақат ауданында әр сала бойынша қызмет көрсетуге кірісті.

Суреттерді түсірген: Н.Нұғыманов