ЮНЕСКО Сарайшықты сақтап қала ма?

ATPress. 17 мамыр. Қазақстан Республикасының мәдениет және спорт министрі Сарайшық қаласын ЮНЕСКО-ның Дүниежүзілік мәдени мұрасы тізіміне енгізуді ұсынып отыр.

Бұл туралы Қазақстан Республикасының мәдениет және спорт министрі Арыстанбек Мұхамедиұлы, Қазақстан Республикасының ЮНЕСКО және ИСЕСКО істері жөніндегі Ұлттық комиссиясының отырысында мәлімдеді.

«Тапсырма – Ұлы Жібек жолының Сырдария бөлігін, және де Сығанақ, Отырар, Сауран және Сарайшық қалаларын тізімге енгізу. Біз ұсынысымызды жақын арада ЮНЕСКО-ның отырысында бере аламыз», - деді А. Мұхамедиұлы

Министрдіңдің айтуы бойынша, егер ЮНЕСКО тарапынан сәйкес номинацияны белгілесе, ол Қазақстан үшін қайта қалпына келтіру жұмыстарын жасауға көмегін тигізбек. Бұл орайда, Қожа Ахмет Яссауи кесенесін жаңарту жұмыстары кезінде аталмыш ұйым тарапынан көрсетілген қолғабысты мысалға келтіруге болады.

«Бізді Жайық жағасындағы Сарайшықтың су астына кетіп жатқандығы қатты алаңдатып отыр. Біз оған тосқауыл болуымыз керек, және де Сарайшық облыстық басқарманың назарындағы нысан ғана емес, сондай-ақ  Дүниежүзілік мәдени мұра жәдігері мәртебесін алса деген мақсатымыз бар. Сонда ғана біз басқа да қаражат көздерін және басқалардың да назарын аудара аламыз», - деп түсіндірді министр.

2015 жылы мамандар республикалық бюджет комиссяисында қаралуға тиісті, қалашық аумағына жаға-қорғау бөгетін салу жұмыстарының жобалық-сметалық құжаттамасын жасқтаған болатын. Аталмыш жұмыстардың шығыны шамамен 1,6 млрд. теңгені құрап отыр.

Қазақстанда ЮНЕСКО-ның Дүниежүзілік мәдени мұрасы тізіміне – Қожа Ахмет Яссауи кесенесі, Тамғалы археологиялық бедерінің петроглифтері, сондай-ақ Қорғалжың және Наурызым қорықтары енгізілген.

ATPress 

Фото: voxpopuli.kz.