«Даму» арқылы дамыған кәсіпорын

ATPress.kz. 30 мамыр. Өңірлік коммуникациялар қызметі мен «Даму» кәсіпкерлікті дамыту қоры» ұйымдастырған баспасөз-туры барысында, журналистер электротехникалық құрылғылардың отандық өндірушісі – «Kazelektrym» өндірістік кешені» ЖШС базасында болды.

Серіктестік өзінің өндірістік қуаттылығын арттыру мақсатында, «Бизнестің Жол Картасы 2020» бағдарламасы аясындағы «Даму-Аймақтар ІІІ» шағын және орта кәсіпкерлік субъектілерінің аймақтық басым жобаларын қаржыландыру бағдарламасы бойынша қаржыландырылды. Сонымен қатар, айналымдағы қаражатты толықтыру үшін банк серіктестікке 14% жылдық мөлшерлемемен 45 млн. теңге көлеміндегі қарыз берді. Оның 10 пайызы мемлекет тарапынан субсидияланады. Кепілзаттың жетіспейтін бөлігіне "Даму" қорының 20,3 млн. теңгесі ұсынылды.

- Серіктестік 2011 жылы тамыз айында құрылып, сол жылы қыркүйек айында алғашқы өнімін шығарды. Қазіргі таңда өндірістік кешеннен трансформаторлық және мырыштан жасалған шағын өлшемдік станциялар өндіріледі. Сонымен бірге біз төменвольтты реттегіш құралдар мен әртүрлі құрылғылар шығарамыз, - деп атап өтті серіктестіктің бас директоры Әбілдаев Серік.

Компанияның алдағы жоспары - өндіріс аясын кеңейту және жұмыс орындарын арттыру. Қазіргі таңда компанияның тұрақты серіктестері мен тапсырыс берушілері де қалыптасып үлгерген.

- Қазір бізде 110 жұмыс орыны бар. Қызметтегілерлің 99 пайызы жергілікті мамандар. Қаладағы оқу орындарымен тығыз байланыстамыз. Бітіруші түлектерді жұмысқа қабылдауға, даярлық курстарынан өткізуге дайынбыз, - деді С. Әбілдаев.

ATPress.kz

Сурет Р. Қойлыбаевтыкі