Бақсай су арнасында балық шабақтарын құтқару жұмыстары жалғасуда, деп хабарлайды AtyrauPress тілшісі.
Су арнасында балық шабақтарының жиналуы 13 қаңтарда анықталған. Жедел мәліметтерге сәйкес, 16 қаңтарда 1,2 миллионға жуық шабақ құтқарылды. Салмағы 5-6 грамм болатын құтқарылған қарабалық пен сазан шабақтары тірі күйінде Жайық өзеніне жеткізілуде.
Жалпы, бірнеше күннің ішінде құтқарылған балық шабақтарының саны 3,2 миллионға жетті. Іс-шараларға 40 адам және 7 техника жұмылдырылған. Жағдай ерекше бақылауға алынды.
Амандық САҒЫНТАЙҰЛЫ