Жерді жалға алушылар, оны күтіп ұстауға міндеттеледі

ATPress. 5 мамыр. Өңірлік коммуникациялар қызметінің мәжіліс залында өткен брифингте Атырау облысы жердің пайдаланылуы мен қорғалуын бақылау басқармасы басшысының орынбасары Көбегенов Қанат осылай деп мәлімдеме жасады.

- Аталмыш кодексте бірқатар құқықтық нормалар бар. Атап айтсақ, шетел азаматтары жерді сатып алу құқына ие еместігін есептемегенде, ол жалға алып отырған жеріне қолданатын химиялық заттар мен пестицидтер міндетті түрде қазақстандық сараптамадан өтетін болады. Сондықтан, жалға алушы шетел азаматы жерімізді тиімсіз пайдаланып, оның құнарсыздануына жол береді, жердің табиғи құрамы өзгереді деген үрей болмауы тиіс, - деді Атырау облысы жердің пайдаланылуы мен қорғалуын бақылау басқармасы басшысының орынбасары Қ. Көбегенов.

Өз кезегінде ол ауыл шаруашылығын дамыту мақсатында жалға берілген жерлерді мемлекет қатаң бақылауға алатынын, сондай-ақ ол жерлерді пайдаланудың сатылық механизмі жасақталып біткенін ескертті.

Даурен Бекбол