Елдің сыртқы инвестициясының тең жартысы Атыраудың үлесінде

ATPress.kz. 1 маусым. Өңірлік коммуникациялар қызметінде өткен брифинг барысында Атырау облысының бірінші орынбасары Ғұмар Дүйсембаев сыртқы инвестициялар көлемі 360 млрд. тенгені құрап отырғандығын және оның республика бойынша үлес салмағы – 50,7% екенін

Брифингте өңірдің әлеуметтік-экономикалық дамуы, үдемелі индустриалды-инновациялық даму бағдарламасы, шағын және орта бизнес және өндірістік өнеркәсіп туралы айтылды. Өңір басшысының бірінші орынбасары өз сөзінде Атырау облысының төрт айда негізгі капиталға салынған инвестициялары 67 пайызға артып, 560 млрд. теңгеден асқанын айтты.  

- Серіктестік байланыстарын орнату үшін және өңірдің инвестициялық мүмкіндіктерін зерттеу мақсатында Атырау облысына 2016 жылдың басынан бастап ресми сапармен Канада, Белоруссия, АҚШ, Ұлыбритания, Голландия, Италия, Түркия сияқты алыс-жақын шетелден бірқатар делегаттар келді, - деп атап өтті Ғұмар Исламұлы.

Сонымен қатар, брифинг барысында ол осы жылы Атырау облысының аумағында жалпы құны 4 млрд. 500 млн. теңге болатын 5 жоба пайдалануға беріледі деп жоспарлануда. Аталмыш жоба аясында 200 жұмыс орны ашылады деп күтілуде. Индустрияландыру картасы (республикалық) және Кәсіпкерлікті қолдау картасы (өңірлік) шеңберінде 5,4 мың жұмыс орнын құрумен және жалпы құны 2 трлн. теңгені құрайтын 52 инвестициялық жоба іске асырылып жатқандығын атап өтті.

Оның айтуынша, бірінші бесжылдықта (2010-2014 жылдар аралығы) жылпы сомасы 67 млрд болатын 28 жоба жүзеге асырылып, 2 мыңнан астам жұмыс орны ашылды. Екінші бесжылдықта 1,9 трлн. теңгеден астам қаржыға 24 жоба жүзеге асырылып жатыр. Жобалар аясында 3,5 мың жаңа жұмыс орындары ашылды. 

- Оның ішінде 2015 жылы жалпы құны 25 млрд. теңге болатын 9 жоба іске қосылды. Жоба көлемінде 665 жұмыс орны ашылды. Іске қосылған жобалардың ішінен 2016 жылдың 1 тоқсан қорытындысы бойынша барлық жобалар жоспарланған қуаттарына сәйкес жұмыс істеуде, - деп атап өтті Ғұмар Дүйсембаев.

ATPress.kz

Сурет Рахим Қойлыбаевтыкі