Атырау облыстық денсаулық сақтау басқармасының басшысы лауазымына меритократия принципі бойынша Қайсар Абдалиев тағайындалды, деп хабарлайды AtyrauPress тілшісі.
Жаңа басшыны ұжымға Атырау облысы әкімінің орынбасары Жасұлан Бисембиев таныстырып, қызметіне сәттілік тіледі.
Қайсар Қайратұлы Абдалиев 2012 жылы Х.А.Яссауи атындағы Халықаралық қазақ-түрік университетінің «Емдеу ісі» мамандығын, 2017 жылы КазГЮУ университетінің «Құқықтану» мамандығын тәмfмдаған. ҚР Денсаулық сақтау министрлігінде 5 жылдан астам қызмет атқарып, соңғы 3 жылда Атырау облыстық Денсаулық сақтау басқармасы басшысының орынбасары қызметінде болған. Алғаш еңбек жолын 2013 жылы «Ұлттық кардиохирургия орталығы» АҚ стратегиялық жоспарлау және корпоративтік даму бөлімінде бастаған. 2021 жылдан осы кезге дейін Атырау облысы Денсаулық сақтау басқармасы басшысының орынбасары қызметін атқарды.
Айта кетейік, бұған дейін біз бұл лауазымда болған Асхан Байдуалиевтің қызметтен кеткенін жазған едік. Ол көп кешікпей жаңа қызметке тағайындалған болатын.
Амандық САҒЫНТАЙҰЛЫ
