Бұл туралы қала әкімдігінің баспасөз қызметі хабарлайды.
Терможаңғырту бағдарламасы бойынша құрылыс жұмыстары 3 үйде аяқталды. Атап айтсақ, Досмұхамедов көшесі №5 үй, Сырым Датов көшесі №11а және Авангард 4 ықшам ауданы №21 үй мекен жайларында толықтай жөндеу жүргізілді.
Жөндеу жұмыстарына жауапты мекеме директоры Бауыржан Тоқымбаев. Оның айтуынша, әр үйдің жағдайына байланысты түрлі жұмыстар жасалды. Төбелері, шатыры, қасбеттерін қаптау, кіреберістерін майлау, сырлау, оларға пластикалық терезелер және домофон есіктерін орнату, тоқ желілерін ауыстыру, жертөле толықтай тазартылып, жылу құбыры, кәріз жүйесі ауысты.
Қалпына келтіру жұмыстарына қажет қаражат республикалық бюджеттен бөлінді. Айта кетейік, өңірде «Нұрлы жер» мемлекеттік бағдарламасы шеңберінде 27 көпқабатты үйге терможаңғырту жұмыстары жүргізілуде. Жұмыстар жыл аяғына дейін толық аяқталады.