Атырау қаласы аумағын қардан тазалау жұмыстары, қала әкімі Шәкір Кейкінұлының толық бақылауында, деп хабарлайды AtyrauPress тілшісі.
Бұл туралы Атырау қалалық әкімдігінің баспасөз қызметі мәлім етті. Жауапты мекеме «АрнаулыАвтоБаза» ЖШС тазалау жұмыстарын түнгі уақытқа қарамастан тоқтаусыз жүргізетін болады. Қазір қала және оған қарасты округтерді қардан тазарту жұмыстарына барлығы 64 техника жұмылдырылды. Жұмыс кезең-кезеңімен атқарылмақ.
"Құрметті қала тұрғындары! Қар тазалау жұмыстары жүргізілмей қалған көшелер болса әлеуметтік желі арқылы немесе 109 бірыңғай байланыс нөміріне хабарласу арқылы өтінім берулеріңізге болады" делінген хабарламада.
Бүгінгі күні қала аумағынан 6000 текше метрден астам қар шығарылды. Қазіргі таңда көшелер, көпірлер, аялдамалар мен жаяу жүргіншілер жолы қардан тазаланып, реагент себу жұмыстары жалғасуда.
Амандық САҒЫНТАЙҰЛЫ