Атырау облысы полиция департаменті бастығының бұйрығымен Есірткі қылмысына қарсы іс-қимыл басқармасының бастығы лауазымына полиция полковнигі Әлішер Есенкелдіұлы Нұршаев тағайындалды, деп хабарлайды AtyrauPress.
Облыстық полиция департаменті баспасөз қызметінің мәлім етуінше, басқарманың жаңа басшысын департамент бастығының орынбасары полиция полковнигі Асылбек Бүркітұлы Джаумбаев жеке құрамға таныстырды.
Айта кетейік, полиция полковнигі Әлішер Нұршаев Есенкелдіұлы ҚР ІІМ Алматы академиясының түлегі.
Еңбек жолын Атырау ҚПБ-ның тергеушісі болып бастаған. Департаментте бірнеше басшылық лауазымдарда қызмет атқарған Әлішер Есенкелдіұлы жаңа қызметіне дейін Мақат аудандық полиция бөлімі бастығы міндетін атқарған.
Мира НҰРТАЕВА