Дауыс беру басталғалы дамылсыз жүрген комиссия мүшелерінің жұмысына қарап референдумның жоғары деңгейде өтіп жатқанын аңғаруға болады.
Елдің болашағы үшін ерінбей келіп, бюллетеньге белгі салған қарттар да ерен үлгі көрсетуде. Ал елдің ерік-жігері саналатын жастар жағы науқанға белсене атсалысуда. Солардың бірі — "Jas Otan" Жастар қанаты Атырау облыстық филиалының төрағасы және "Жеті жарғы" қоғамдық қорының басшысы Абылай Құрметұлы.
Ол Қазақстанның бүгіні мен ертеңі жолында кез келген игі бастамаларға қолдау көрсетіп, саяси-әлеуметтік өзгерістерге барынша ықпал етуге тырысатынын айтады.
— Бүгін 27 жылдан кейін қайталанып тұрған тарихи оқиғаның куәсі болдық. Мен №92 дауыс беру учаскесіне барып, еліміздің ертеңі үшін өз дауысымды бердім. Халық — биліктің қайнар көзі, ал референдум — демократияның тікелей басты институты. Сол себепті, қазақстандықтар беретін әр дауыстың салмағы өлшеусіз деп білемін. Біздің бүгінгі таңдауымыз болашағымызға тікелей кепіл болады, — деді Абылай Құрметұлы.
Ол Қазақстанның бүгіні мен ертеңі жолында кез келген игі бастамаларға қолдау көрсетіп, саяси-әлеуметтік өзгерістерге барынша ықпал етуге тырысатынын айтады.
— Бүгін 27 жылдан кейін қайталанып тұрған тарихи оқиғаның куәсі болдық. Мен №92 дауыс беру учаскесіне барып, еліміздің ертеңі үшін өз дауысымды бердім. Халық — биліктің қайнар көзі, ал референдум — демократияның тікелей басты институты. Сол себепті, қазақстандықтар беретін әр дауыстың салмағы өлшеусіз деп білемін. Біздің бүгінгі таңдауымыз болашағымызға тікелей кепіл болады, — деді Абылай Құрметұлы.