12-14 желтоқсан аралығында Жақсылық Үшкемпіров атындағы жекпе-жек сарайында қазақ күресінен әлем чемпионаты өтті, деп хабарлайды AtyrauPress тілшісі.
Дүбірлі додаға әлемнің қырыққа жуық мемлекетінен 350 балуан қатысты. Жарыстың соңғы күні жасөспірімдер арасында сынға түскен Атырау облысының спортшысы Аманұлы Ақылбек 50 келі салмақ дәрежесінде барлық қарсыластарынан басым түсіп, әлем чемпионы атағына ие болды. Облыстық дене шынықтыру және спорт басқармасының баспасөз қызметінен білгеніміздей, Ақылбек іріктеу кезеңінен сүрінбей өтіп, жартылай финалда грузин балуанын, ал ақтық сында Үнді балуанын ұтқан екен.