Бұл туралы AtyrauPress тілшісі «Атырау Жарық» АҚ-ның баспасөз қызметіне сілтеме жасап хабарлайды.
Баспасөз қызметінің берген ақпараты бойынша, 30 қазан дүйсенбі күні қаланың кей аумағында электр желісіндегі жөндеу жұмыстарын қауіпсіз жүргізу мақсатында жарық сөндіріледі.
Атап айтқанда, сағат 09.00-18.00 аралығында Тасқала-2 ауылындағы 1, 2, 9, 11, 22 және Б.Дәрібаев көшелерінде; Тасқала-2 ауылындағы Омар Төлешев, Қадырәлиев, Елжан Өтеев көшелері мен Көкарнаның 13-ші көшесінде жарық болмайды.
Сағат 10.00-14.00 аралығында Говоров, З.Қаболов, Атамбаев, Еркінкаладағы Оразалин, Түсіпқалиев, Көшербаев, Бөлекқайыр, Асанов көшелерінде электр энергиясы өшіріледі.
Ал сағат 10.00-18.00 «Балауса» шағынауданындағы 1, 2, 20, 22, 25, 26, 30, 31, 32, 39, 44, Қуан Тілеумашев көшелерінде; Хим/пос Шаған, Көкшетау, Жұмағазиев, Бөгенбай батыр көшелерінде уақытша жарық сөндіріледі.
«Атырау Жарық» АҚ қызметкерлері уақытша туындаған қолайсыздықтар үшін кешірім сұрайды.
Эльмира МЫҚТЫБАЕВА