Аудандарға мұз айдыны қажет / ВИДЕО

АTPress.kz. 13 қаңтар. Бүгін Атыраудағы Хиуаз Доспанова атындағы мұз айдынында шайбалы хоккейден облыстық жарыс мәресіне жетті. Жасөспірімдер арасында өткен жарыста Ы.Алтынсарин атындағы орта мектеп командасы жеңімпаз атанып, республикалық спартакиадаға ж

Ойындарға Атырау қаласынан және іргелес Махамбет, Исатай ауданының оқушыларынан құралған төрт команда қатысты.    

Жаттықтырушылардың айтуынша, аудандардардағы мектеп оқушылары арасында шайбалы хоккейге деген қызығушылық соңғы жылдары оянып келеді. Оған себеп ауылдарда қысқы спорттық ойындарына көп көңілдің бөлінбегендігінен. 

- Исатай ауданы бойынша Новобогат, Масалимов, Өркен орта мектебінен іріктеуден өткен 11 спортшыны алып келдік. Аудан орталығында мұз айдыны болмағандықтан бұл спорт түрі ауылдарда кенже дамып келеді. Хоккейге қызығушылығы бар мектеп оқушылары ауылдағы «Бақсай» өзеніне мұз қатқан кезде ғана, бетіндегі қарын күреп, алаңша қылып пайдаланып жүр, - дейді Исатай ауданы командасының жаттықтырушысы Айбар Қарабалин. Ал, Махамбет ауданында шайбалы хоккей спорты жиырма жылдай қозғалыссыз қалған. 

- Махамбетте қазір төрт команда бар. Спортшылардың қызығушылығы да артып отыр. Аудандарға мұз айдындары салынса, ауылда шайбалы хоккейді дамытуға мүмкіндік көп, - дейді Махамбет ауданы командасының жаттықтырушысы Қаржау Бертілеуов. 

Жарыстың финалдық кездесуінде Исатай мен Махамбет ауданы командасы ойнап исатайлықтар 2:0 ұпайымен есеп ашқан еді. Ақтық сында Исатай мен Атырау қаласының командасы бақ сынасып, 6:0 есебімен Атырау жеңіске жетті. Енді, Ы.Алтынсарин атындағы орта мектептің оқушыларынан құралған Атырау командасы республикалық спартакиадада бағын сынайтын болады. 

Нұрбейбіт Нұғыманов

Сурет Әнуар Әбілғазиевтікі