Нұротандықтар марапатқа ұсынылды

ATPress.kz. 17 қараша. Атырауда өткен «Нұр Отан» партиясының облыстық XXIII конференциясында ел Тәуелсіздігінің 25 жылдығына орай бірқатар азаматтар партия төрағасының бірінші орынбасары Мұхтар Құл-Мұхаммедтің «Құрмет грамотасы» мен «Алғыс хаттарына» ие б

Марапатқа ұсынылғандардың қатарында «Нұр Отан» партиясының ардагері Кеңес Қосыбаев, Құрманғазы аудандық партия төрағасының бірінші орынбасары Өркен Тәжібаев, Мақат аудандық жастар ресурстық орталығының басшысы Айдана Балашева бар.

Конференцияға «Нұр Отан» партиясының хатшысы Қаныбек Жұмашев, орталық аппаратының инспекторы Мадина Кадирова және облыстағы «Нұр Отан» партиясы мен «Жас Отан» жастар қанатының мүшелерінен құралған 250 адам қатысты.  

Жиында сөз алған облыс әкімі Н.Ноғаев: 

- Еліміздің қуатты да табысты мемлекетке айналып, халықаралық беделге ие болуына «Нұр Отан» партиясының алар орны ерекше. Партия төрағасы, Елбасы Н.Назарбаев мемлекет қаржысының мақсатты жұмсалуына бақылау жасауды нұротандықтарға тапсырды. Биыл Атырауда «Нұрлы жол» бағдарламасы шеңберінде 23 жоба жүзеге асып, өңір экономикасының дамуына серпін беріп отыр, - деді. 

Конференция барысында Атырау облыстық партия филиалының саяси кеңесі мен бақылау-тексеру комиссиясының атқарған жұмыстары тыңдалып, комиссиясының жаңа құрамы жасақталды.  

Нұрбейбіт Нұғыманов

Суретті түсірген Әнуар Әбілғазиев