Құрманғазы ауданы әкімінің өкімімен аудан әкімінің аппарат басшысы болып – Ердешов Данияр Әдебиетұлы тағайындалды, деп хабарлайды AtyrauPress тілшісі.
Бұл туралы аудан әкімдігінің баспасөз қызметі мәлімдеді. Ердешов Данияр Әдебиетұлы 1991 жылы 4 қыркүйекте Құрманғазы ауылында дүниеге келген. Ұлты – қазақ. Білімі – жоғары.
2012 жылы Х.Досмухамедов атындағы Атырау мемлекеттік университетін «Құқықтану» мамандығы бойынша тәмамдаған.
Еңбек жолы:
Еңбек жолын 2013 – 2018 жж. Атырау облыстық ПД Құрманғазы аудандық ішкі істер бөлімінде тергеуші;
2019-2024 ж.ж. Атырау облысы Жұмылдыру даярлығы және азаматтық қорғау басқармасында бас маман, бөлім басшысы лауазымдарын атқарған.
Осы лауазымға тағайындалғанға дейін Атырау облысы Жұмылдыру даярлығы және азаматтық қорғау басқармасында жұмылдыру даярлығы және аумақтық қорғаныс бөлімі басшысы қызметін атқарып келген.