Құрманғазы аудандық әкімдігінде – жаңа тағайындаулар

Аудандық мәдениет, тілдерді дамыту, дене шынықтыру және спорт бөліміне басшы тағайындалды, деп хабарлайды AtyrauPress тілшісі.

Аудан әкімдігінің «Мемлекеттік мекемені қайта құру туралы» қаулысына сәйкес жаңадан құрылған - «Атырау облысы, Құрманғазы ауданының мәдениет, тілдерді дамыту, дене шынықтыру және спорт бөлімі» мемлекеттік мекемесінің басшысы лауазымына – Жоламанова Зияда Сәдуақасқызы тағайындалды. Бұл туралы аудан әкімдігінің баспасөз қызметі мәлім етті. Жоламанова Зияда Сәдуақасқызы 1963 жылы 28 ақпанда Ақтөбе облысы, Ойыл ауданы, Ойыл селосында дүниеге келген. Ұлты–қазақ. Білімі–жоғары. 1986 жылы Ақтөбе мәдени-ағарту училищиесін және 1990 жылы Әл-Фараби атындағы Шымкент педогогика мәдени институтын «Мәдени-ағарту жұмысы» мамандығы бойынша тәмамдаған.

Еңбек жолы: 1982 жылы туған ауылы Ойыл селосындағы «Шұғыла» кинотеатрында киномеханик болып бастаған. 1982-1986 жылдары автоклуб меңгерушісі, киномеханик; 1990-1993 жылдары Атырау облыстық ғылыми әдістемелік халық шығармашылығы мен мәдени ағарту жұмыстары бөлімінде мәдени-ағарту жұмысының ғылыми әдіскері, бөлім секторы; 1993-2001 жылдары Құрманғазы аудандық мәдениет үйінің директоры; 2001-2015 жылдары Құрманғазы аудандық мәдениет, тілдерді дамыту, ішкі саясат бөлімдерінде бас маман; 2015 жылдан бастап Құрманғазы аудандық ішкі саясат, мәдениет, тілдерді дамыту және спорт бөлімінің басшысы қызметтерін атқарып келген.

Аудандық Ішкі саясат бөліміне басшы тағайындалды.

Аудан әкімдігінің «Мемлекеттік мекемені қайта құру туралы» қаулысына сәйкес жаңадан құрылған - Құрманғазы ауданының ішкі саясат бөлімі мемлекеттік мекемесінің басшысы лауазымына – ҚР Президенті жанындағы мемлекеттік басқару академиясының түлегі Ажигереев Мерей Есенгелдіұлы тағайындалды. Ажигерев Мерей Есенгелдіұлы 1989 жылы 13 маусымда Ганюшкино селосында дүниеге келген. Ұлты–қазақ. Білімі–жоғары. 2012 жылы Х.Досмухамедов атындағы Атырау мемлекеттік университетін «Туризм» мамандығы бойынша; 2014 жылы Батыс Қазақстан инженерлік-гуманитарлық университетін «Құқықтану» мамандығы бойынша; 2023 жылы ҚР Президенті жанындағы мемлекеттік басқару академиясын «Бизнес және басқару магистрі» мамандығы бойынша тәмамдаған.

Еңбек жолы: 2013 жылы Құрманғазы аудандық дене шынықтыру және спорт бөлімінде спорт жарыстарын ұйымдастырушы болып еңбек жолын бастаған. 2014-2017 жылдары Құрманғазы аудандық ішкі саясат бөлімінде бас маман; 2017-2024 жылдары Құрманғазы ауылдық округ әкімі аппаратында бас маман, округ әкімінің орынбасары; 2024 жылдың маусым айынан бастап Құрманғазы аудандық ішкі саясат, мәдениет, тілдерді дамыту және спорт бөлімінде сектор меңгерушісі қызметтерін атқарып келген.

Амандық САҒЫНТАЙҰЛЫ