Исатай ауданының әкімі Нұрым Мусин актив отырысында аудан әкімі аппаратының жаңа басшысын таныстырды, деп хабарлайды AtyrauPress тілшісі.
Аудан әкімінің 2024 жылғы 1 шілдедегі өкімімен Махмутов Арманбек Амантайұлы Исатай ауданы әкімі аппаратының басшысы лауазымына тағайындалды.
Ол 1987 жылы Атырау облысы, Исатай ауданы, Жанбай ауылында дүниеге келген. Ұлты-қазақ. Білімі - жоғары. 2009 жылы Абай атындағы Қазақ ұлттық педагогикалық университетін тарих мамандығы бойынша бітірген. 2018 жылы X.Досмұхамедов атындағы Атырау Мемлекеттік университетін заңгер мамандығы бойынша бітірген. Қазақстан Республикасы Президентінің жанындағы мемлекеттік басқару академиясының түлегі. “Мемлекеттік саясат” мамандығының “Бизнес және басқару” магистрі.
Еңбек жолын 2011 жылы «ҚР КҚЖО» АҚ Автомектебінде әдіскер болып бастаған.
01.04.2012 - 04.06.2012 Исатай аудандық білім бөлімінің заңгері.
11.10.2012 - 14.08.2013 Исатай ауданы әкімі аппаратының ұйымдастыру, кадр және мемлекеттік - құқықтық жұмыстар бөлімінің бас маманы;
14.08.2013 - 15.01.2015 Исатай ауданы әкімі аппаратының кадр қызметі және персоналды бағалау бөлімінің бас маманы;
15.01.2015 - 18.04.2017 Исатай ауданы әкімі аппаратының кадр қызметі және персоналды басқару бөлімінің басшысы;
18.04.2017 - 04.12.2017 Исатай ауданы әкімі аппаратының ұйымдастыру және мемлекеттік- құқықтық жұмыстар бөлімінің басшысы;
05.12.2017 - 01.07.2024 Исатай аудандық ішкі саясат және тілдерді дамыту бөлімінің басшысы болып қызметтер атқарған.
2024 жылдың шілде айынан бастап Исатай ауданы әкімі аппаратының басшысы лауазымына тағайындалды.