Оралдағы футбол жарысынан кейін стадиондағы қоқыстарды жинаған кішкентай жанкүйер көпшілікті тәнті етті, деп хабарлайды AtyrauPress тілшісі.
Бұл туралы Stan.kz ақпараттық агенттігі хабарлайды. 3 тамыз күні Оралдың "Ақжайық" футбол командасы астаналық "Жеңіс" клубымен ойнады. Кездесу 1:1 есебімен тең аяқталды. Матчтан кейін трибуналарда көп қоқыс қалды. Мұндай жағдай әрбір жарыстан кейін орын алатыны белгілі. Бірақ футбол жанкүйерлерінің арасында тазалық пен тәртіпті сақтайтындар бар.
Осындай жанкүйерлердің бірі 11 жасар Әлихан Сайхал болды. Матч аяқталғаннан кейін бала стадионда қалып, трибунадағы барлық қоқыстарды жинап шықты.
Әлиханның өзі де футбол ойнайды, "Жайық жастары" клубына барады.
"Стадионда қоқыс жинағанда жалғыз болған жоқпын. Қасымда достарым Мансұр, Нұртас және Нәдір болды. Бірақ олар қоқысты жәшікке тастау үшін кеткен еді", - дейді жас футболшы.
Клуб әкімшілігі Әлиханға алғыс айтып, өз тараптарынан шағын сыйлық беруге уәде берді.