Мақат ауданы Доссор кентінің бұрынғы В.Белинский қазіргі Б.Қанатбаев атындағы орта мектептің 2000 жылғы түлектері аудандық жедел жәрдем қызметкерлерін ұлығылап, ұмытылмас шара өткізді, деп хабарлайды AtyrauPress тілшісі.
Мақсат – түлектер қозғалысына қозғау сала отырып, қатарда қызмет етіп жүрген жедел жәрдем қызметкерлерін ұлығылау. Түлектер атынан оларға алғыс хат пен бағалы сыйлықтар тарту етілді. Шара қонағы болған облыстық жедел жәрдем стансиясы басшысының орынбасары Дәулетияр Сәрсенғалиев өз мамандарын түлектер атынан марапаттады. Өз кезегінде түлектер Ә.Идиятов, Д.Бисенов, А.Сейтова ұстаздар мен жедел жәрдем қызметкерлеріне алғыс білдіріп, құшақтарын гүлге толтырды.
– Былтыр дәл осы түлектер сынып жетекшілерінің атында математика пәнінен аудандық олимпиада өткізіп, 9-11 сынып аралығындағы оқушыларға бағалы сыйлықтар (велосипед, смарт-сағат т.б.) табыстаған болатын. Бұдан бөлек, олар қазір мектеп тарихынан сыр шертетін мұражай жасақтап жаты, - дейді аталған білім ұясының басшысы Азамат Дәулетқалиев.
Амандық САҒЫНТАЙҰЛЫ
