Осыдан 20 жыл бұрын Атырауда дүниеге келген үшемнің екеуі – Нұр мен Сұлтанның оқиғасы көпшілікті сүйсінтті, деп хабарлайды AtyrauPress тілшісі.
Қазір екеуі Шымкенттегі №35748 әскери бөлімінде Отан алдындағы борыштарын өтеп жатыр. Бұл туралы олар Оtyrar.kz тілшісіне берген сұхбатында айтты.
«Біздің қарындасымыз бар. Оны қатты сағынамыз. Мен Сұлтаннан 20 минут бұрын тудым. Сабақты өте жақсы оқыдық. Мен үнемі әкім болуды немесе Президент әкімшілігінде қызмет етуді армандаушы едім. Ондағы мақсатым – атақ пен абырой жинау емес, еліме қолдан келгенше пайдамды тигізу» дейді үшемнің үлкені Нұр.
Олардың әкесі бұрынғы әскери екен. Ол өте қатал және балаларына қажетті бағыт-бағдар беріп отырады екен.
Амандық САҒЫНТАЙҰЛЫ
Фото: otyrar.kz