Атырау облысының Құрманғазы аудандық сотында Қазақстан Республикасының ӘҚБтК-нің 590-бабының 2-1-бөлігі бойынша Ж.-ға қатысты әкімшілік құқық бұзушылық туралы іс қаралды, деп хабарлайды AtyrauPress тілшісі.
Ж. бұрын белгіленген тәртіппен тіркелмеген көлік құралын басқарғаны үшін әкімшілік жауаптылыққа тартыла тұра, бір жыл ішінде осындай әрекетті қайталап жасаған. Атап айтқанда, Ресей Федерациясында тіркелген, белгіленген тәртіппен тіркелмеген көлік құралын басқарған.
Ж.-ның кінәсі өзінің мойындау жауабымен, әкімшілік құқық бұзушылық туралы хаттамамен, көлік құралының тіркеу куәлігінің көшірмесімен дәлелденді.
Қазақстан Республикасының ӘҚБтК-нің 590-бабының 2-1-бөлігінің санкциясында 20 айлық есептік көрсеткіш мөлшерінде айыппұл салу немесе 1 жыл мерзімге көлік құралдарын басқару құқығынан айыру түріндегі жаза көзделген.
Сот қаулысымен Ж. әкімшілік құқық бұзушылық жасағаны үшін кінәлі деп танылып, 1 жыл мерзімге көлік құралын басқару құқығынан айырылды.
Сот қаулысы заңды күшіне енді.
Амандық САҒЫНТАЙҰЛЫ