Бүгін - құтқарушылар күні

ATPress.kz, 19 қазан. Облыс аумағындағы өрт сөндіру қорларына жүргізілген техникалық бақылау кезінде 6 су қорлары мен 560 өрт сөндіру гидранттары жарамсыз күйде екендігі анықталды. Бұл туралы Өңірлік коммуникациялар қызметінде БАҚ өкілдерімен өткен кездес

Тіршілік бар жерде төтенше жағдайдың да болары хақ. Қазіргі таңда облыс бойынша төтенше жағдайға қарсы 13 өрт сөндіру депосы жұмыс жасаса, оның ішінде Қызылқоға, Индер, Исатай аудандарындағы өрт сөндіру бөлімінің 3 ғимараты апатты жағдайда. Одан бөлек, қала және аудандарда өрт сөндіру бөлімшелерінің жетіспеушілігі төтенше жағдайларда жауынгерлік іс-қимыл әрекетін төмендетіп, маңызды проблемалардың біріне айналып отырғандығын жеткізген А.Жұманов қаланың жылдан-жылға ауқымы кеңеюіне байланысты қосымша гидранттар керектігін де алға тартты. Өрт сөндіру орнына келген бір техникада 7 тонна су болса, ол 15 минут өрт сөндіруге ғана жетеді. Ал, қала бойынша 250 өрт сөндіру гидранты жарамсыз. А.Жұмановтың айтуынша, гидранттардың көпшілігі «Атырау су арнасы» коммуналдық мекемесінің меншігінде. Мекеме басшылығы тарапынан гидранттарға жіті көңіл бөлінбей келеді. ТЖД-нің қызмет теңгерімінде 91 автокөлік құралы болса, оның 46-сы негізгі, 15-і арнайы техникалар.
Облыстық төтенше жағдайлар департаменті басшысының орынбасары Замир Бердашевтың мәліметіне сүйенсек, ағымдағы жылдың есепті кезеңінде құтқару бөлімшелерімен 1700-ге жуық шұғыл сапар жүргізілген. Бұдан бөлек, суда апат болған 55 адамның 27-і құтқарылған. Суға кету дәйектерінің басым бөлігінің себебі тыйым салынған орындарда жүзуден және спиртті ішімдік пайдаланудан болып отыр.

Нұрбейбіт Нұғыманов
Сурет автордікі