Соңғы қоңырау соғылды

ATPress. 26 мамыр. Атырау облысының әкімі Нұрлан Ноғаев Атырау қаласындағы №36 мектеп-гимназияда өткен соңғы қоңырау салтанатты шарасына қатысты.

Салтанатты шарада сөз алған аймақ басшысы мектеп бітіріп жатқан түлектерге ақ жол тілеп, ақыл кеңесін айтты.

«Қазіргі заманда білімнің маңызы өте жоғары. Білімді ұрпақ еліміздің дамуы мен өркендеуі жолында тер төгетін болса, халқымыздың болашағы жарқын болмақ. Сендерге ақ жол тілеймін. Алда келе жатқан Ұлттық бірыңғай тестте сәттілік тілеймін. Білгендеріңді еш қиналмай пайдалынып, жақсылап өткізіңдер. Өмір жолы оңай емес. Ата-аналарыңның үмітін ақтаңдар. Аман жүріңдер», – деді облыс басшысы Нұрлан Ноғаев.

Атырау облысында 4 633 түлек мектеп бітіріп жатыр. Олардың 77-сі «Алтын белгіге», 18-і үздік аттестат иегері атануға үміткер. Бұдан бөлек, 2015-2016 оқу жылының қорытындысы бойынша, халықаралық білім байқауларының 34 және республикалық байқаулардың 70 жеңімпазы тіркелген.

ATPress

Сурет Рахим Қойлыбаевтыкі