Атырауда президенттік шырша өтті

АTPress.kz. 26 желтоқсан. Елбасы Нұрсұлтан Назарбаевтың атынан ұйымдастырылған президенттік шырша мерекесіне Атырау облысының аудандары мен қала мектептерінің оқушылары қатысты. Олардың арасында балалар үйінің тәрбиеленушілері, көп балалы және аз қамтылға

Мерекелік шараға жиналған оқушыларды үлкен монитор арқылы Елбасы Н.Назарбаев жаңа жыл мерекесімен құттықтап, тәуелсіздікпен бірге өркендеп, армандарының орындала беруіне тілегін білдірді. Президенттік шыршаға қатысушы 350 балаға мемлекет басшысының атынан жаңа жылдық сыйлықтар табыс етілді.  

Шарада құттықтау сөз алған Атырау облысының әкімі Нұрлан Ноғаев: 

- Мұндай ауқымда шара елбасының тапсырмасымен барлық облыстарда өткізілуде. Мұнда мектептердің оқу озаттары мен спорт үздіктері, қоғамдық шара белсенділері қатысып отыр. Сіздермен ата-аналарыңыз, ұстаздар қауымы мақтанады. Атырауда балалардың білім алуына, таңдаған маман иесі атануына барлық жағдай жасалған. Жаңа заманға сай мектептер салынып, жоғары оқу орындары жаңа факультеттермен толығуда. Мұның бәрі сіздер үшін. Баршаңызды білімді, белсенді болуға шақырамын, - деді.  

 - Басты шыршаға қатысу үшін жыл бойы сабақты жақсы оқыдым. Мектепте дзюдоға қатысамын. Сүйікті спортым бойынша жеткен жетістіктерім де аз емес. Жаңа жылдан тек жақсылықтар күтемін, - дейді Нұрсұлтан есімді «Шаңырақ» мектеп интернатының тәрбиеленушісі. 

Нұрбейбіт Нұғыманов

Суреттер Әнуар Әбілғазиевтікі