Жасөспірім қызды зорламақ болған зейнеткер ұсталды

Күдікті 14 жастағы қыз балаға қысым жасап, арам ойын іске асырмақ болған. Ол Алматы қаласының 62 жастағы тұрғыны болып шықты, - деп хабарлайды "Алматы" арнасы.

Бұл бойынша өтініш полицияға 15 ақпанда түскен. Қарасай ауданында жүргізілген жедел-іздестіру шаралары нәтижесінде күдікті деген ер адам ұсталыпты.
Облыстық полиция департаменті оның   Алматы қаласының 62 жастағы тұрғыны екенін айтады. Сондай-ақ ол мас күйінде көлік жүргізген.

 Қазір күдіктіге қатысты іс қозғалып, істің мән-жайы тергеліп жатыр.  

    "Автокөлікті мас күйінде басқарғаны үшін жүргізуші 15 тәулікке қамауға алынып, 7 жыл мерзімге жүргізуші куәлігінен айырылды. Сонымен қатар, ұсталған азаматқа қатысты ҚР ҚК 124-бабы бойынша қылмыстық іс тіркелді. Істің мән-жайын толықтай анықтау мақсатында тергеу әрекеттері жүргізіліп жатыр", - деді ПД баспасөз қызметінің ресми өкілі Әбілтай Әбенов.