Бұл туралы Орталық комуникациялар қызметінде өткен брифингте ҚР ІІМ тергеу департаментінің бастығы Санжар Әділов хабарлады. Қабылданған шаралар нәтижесінде азаматтар мен бизнес субъектілерінің жалпы сомасы 110 млн теңгеге бағаланатын ұрланған мүлкі, оның ішінде 10 автомашина, тұрмыстық техниканың 301 бірлігі, 188 бірлік зергерлік бұйым, 250 ұялы телефон, 16 млн теңге, киімнің 472 бірлігі алынды.
Оның айтуынша, күдікті адамдардың өмір салты мен жеке басын зерделеу олардың үштен бірі бұрын сотталғанын көрсетті.
"113, оның ішінде кісі өлтіру, зорлау, қарақшылық үшін, ал 8-і ұрлық, тонау сияқты қылмыстар үшін республикалық іздестіруде болғанын көрсетеді. Қоғамдық тәртіпті қолдау мақсатында төтенше жағдай режимі алынғаннан кейін бүкіл мелекет бойынша «Құқық тәртібі» жедел-алдын алу іс-шарасы жүргізілуде, оған ІІО-ның 17 мыңнан астам қызметкері тартылды, қазіргі уақытта 10435 қылмыс тіркелді, оның 7014-і ашылды және 1833 бұрын жасалған қылмыстар болып табылады. 540 адам есірткі құралдарын заңсыз сақтағаны үшін ұсталды. 98,5 мың әкімшілік құқық бұзушылық, оның ішінде оларды жасаған 2521 шетел азаматы анықталды, 329 адам көші-қон заңнамасын бұзғаны үшін соттың шешімі бойынша мемлекеттен шығарып жіберілді, заңсыз еңбек қызметін жүзеге асырғаны үшін 424 адам жауапкершілікке тартылды. Ішкі істер органдары сотқа дейінгі тергеп-тексеруді аяқтау бойынша жұмыс жүргізуде. Бүгінгі таңда 101 күдіктіге қатысты 73 қылмыстық іс айыптау актілерімен бірге прокурорларға жолданды. Қабылданған шешімдердің заңдылығын тексерудің нәтижелері бойынша прокурорлар 50 іс бойынша 73 айыпталушыны сотқа берді. Өз кезегінде соттар 51 адамға қатысты 34 істі сапалы және жедел қарады. 42 адамның бостандығын шектеуге, 9 адамды бас бостандығынан айыруға айыптау үкімдері шығарылды, 2 адамға қатысты іс жүргізу тараптардың татуласуына байланысты тоқтатылды", - деді полковник.
