«Жол қозғалысы ережелерін бұзу, қолайсыз ауа-райы кезінде жол-көлік оқиғаларының себебі болуы мүмкін» деп хабарлайды Атырау облыстық полиция департаменті.
Департаменттің баспасөз қызметінің айтуынша, 14 қаңтар күні сағат 08:10 шамасында жүргізушінің метеорологиялық жағдайды ескермеуі салдарынан «Toyota Camry» маркалы автокөлігі көшедегі электр бағанасына соқтығысқан.
Ал, 10:00 шамасында Құнанбаев Көшесі «Ландыш» аялдамасында «Daewoo» маркалы жолаушылар автобусы тайып кетіп «Ваз 2114» маркалы көлігімен түйіскен.
Осыған байланысты, Атырау қаласы Полиция басқармасының патрульдік полиция қызметкерлері барлық жүргізушілерге жолда барынша сақтық танытып, қауіпсіз арақашықтықты сақтап, жылдамдық режимін төмендету керектігін ескертеді.