Бұл туралы ATPres.kz сайты облыстық полиция департаментінің баспасөз қызметіне сілтеме жасай отырып хабарлайды.
Бүгін, яғни 26 қаңтар күні сағат 08:20 шамасында Атырау-Дамбы тас жолында қала бағытынан Дамбы ауылына қарай бағыт алған “Lada Priora”маркалы автокөлігі жолдан тайып кетіп, жолдың қарсы бағытында келе жатқан “Kia Rio” маркалы және “Ваз 2112” маркалы автокөліктеріне соқтығысқан.
«Оқиға салдарынан “Kia Rio” автокөлігінің жүргізушісі мен “Ваз 2112” автокөлігінің жолаушысы облыстық ауруханаға жеткізілді. “Lada Priora” автокөлігінің 1976 жылы туған, жолаушысы оқиға орынында көз жұмды. Қазіргі уақытта іс-құжаттар жинақталуда» делінген хабарламада.